Skipper / Teknisk båtansvarleg

Me søkjer ein erfaren og ansvarsbevisst skipper / teknisk båtansvarleg som får det overordna ansvaret for to av våre servicebåtar (8–15 meter).

Stillinga kombinerer operativ drift med teknisk oppfølging og er sentral i gjennomføringa av maritime arbeidsoperasjonar ved oppdrettslokalitetane våre.

Servicebåtane opererer mellom lokalitetane våre i Høyanger, Fedje, Samnanger, Osterøy, Kvam og Bjørnafjorden, og er viktige ressursar i den daglege drifta.

Arbeidsoppgåver

Som skipper og teknisk båtansvarleg får du ansvar for sikker, effektiv og føreseieleg drift av begge servicebåtane.

Du vil planleggje, koordinere og gjennomføre maritime arbeidsoperasjonar i tett samarbeid med lokalitetsleiarar og driftsorganisasjonen.

Arbeidsoppgåvene omfattar mellom anna:

• Føre og drifte servicebåtane på ein sikker og profesjonell måte
• Planleggje og koordinere den daglege bruken av båtressursane i saman med koordinator.
• Ha ansvar for at fartøya vert drivne i samsvar med gjeldande lover, forskrifter og interne rutinar
• Følgje opp vedlikehald, teknisk tilstand og sertifisering av fartøya
• Planleggje service, verkstadopphald og tekniske oppgraderingar
• Ha ansvar for teknisk dokumentasjon og vedlikehaldssystem
• Transportere utstyr og materiell mellom lokalitetane
• Delta i opp- og nedrigging av oppdrettsanlegg
• Utføre enkle fortøyingsarbeid og kranoperasjonar
• Bistå ved ma. avlusing og andre større driftsoperasjonar
• Delta i vedlikehald av lokalitetar
• Bidra til kontinuerleg forbetring innan HMS, kvalitet og effektiv drift

Stillinga inneber arbeid ved fleire lokalitetar, og noko reise må reknast med.

Stillinga følgjer nomalt 8-timers arbeidsdag dagtid.

Ved enkelte oppdrag må det påreknast lengre arbeidsdagar.

Kvalifikasjonar

Me ser etter deg som har:

• D6-sertifikat eller høgare dekksoffisersertifikat
• Gyldig G20-sertifikat for fastmontert hydraulisk kran (minimumskrav)
• Gyldig helseattest for sjøfolk
• Grunnleggjande sikkerheitskurs (STCW)
• ROC- eller SRC/VHF-sertifikat
• Erfaring som skipper eller båtførar på arbeidsbåt
• Erfaring frå havbruk, maritim verksemd eller tilsvarande
• God teknisk forståing for fartøy, hydraulikk og mekaniske system
• Erfaring med kran, vinsj, fortøying og andre maritime arbeidsoperasjonar
• Gode norskkunnskapar, både skriftleg og munnleg

Det er ein fordel dersom du også har:

• Truck- eller maskinførarbevis
• Erfaring med digitale vedlikehaldssystem
• Erfaring med planlegging og leiing av maritime operasjonar
• Andre relevante tekniske kurs og sertifikat

Personlege eigenskapar

Me ønskjer ein medarbeidar som:

• Er opptatt av tryggleik og HMS
• Tek ansvar og arbeider strukturert
• Er sjølvstendig og løysingsorientert
• Har gode samarbeidsevner og kommuniserer godt
• Trivst med varierte og operative arbeidsdagar
• Er fleksibel og har god gjennomføringsevne
• Bidreg positivt til eit godt arbeidsmiljø

Me tilbyr

Hos oss får du ei sentral rolle i eit selskap med korte beslutningsvegar og varierte dagar.

Me tilbyr:

• Ei spennande og ansvarsfull nøkkelstilling
• Varierte og utfordrande arbeidsoppgåver
• Moglegheit til å påverke utviklinga av båt- og driftsorganisasjonen
• Eit godt fagmiljø med dyktige kollegaer
• Konkurransedyktige løns- og arbeidsvilkår
• Gode moglegheiter for fagleg og personleg utvikling

Arbeidsstad

Arbeidsområdet omfattar lokalitetane våre i Høyanger, Fedje, Samnanger, Osterøy, Kvam og Bjørnafjorden.

Servicebåtane har for tida base i Kvam/Bjørnafjorden.

Søknadsfrist

14. September 2026

Kontakt

Har du spørsmål om stillinga, er du velkomen til å ta kontakt med Ole Kristian Tombre, teknisk leiar på tlfnr: 416 39 488 eller Håkon André Olsen, teknisk koordinator på tlfnr: 402 30 217.