Me søkjer lokalitetsansvarleg i Nedstrandsfjorden på Ropeid

LOKALITETSANSVARLEG - BORGARLI

"Borgarli" ligg  like utanfor Hebnes i Nedstrandsfjorden på Ropeidhalvøya. Lokaliteten er eigd av Nordsjø Fjordbruk AS, eit selskap i Alsakerkonsernet. Teamet består av 5 faste tilsette, som har dagleg utfart frå Nedstrand og  Vormestrand nær Hebnes.

Som lokalitetsansvarleg på Borgarli har du ei viktig rolle i den daglege drifta av lokaliteten. Du er tett på både drift og medarbeidarar, og jobbar saman med eit erfarent fagmiljø for å sikre god gjennomføring i kvardagen. Stillinga inneber ansvar for planlegging, oppfølging og koordinering av arbeidet på anlegget, i samarbeid med driftssjef og resten av organisasjonen.

Me ser etter deg som trivst med ansvar i praksis, som likar å ha oversikt i kvardagen, og som bidreg til at både folk og drift fungerer godt saman. Fokuset vårt er god fiskehelse, trygg drift og eit arbeidsmiljø der folk tek vare på kvarandre.

Er du motivert for større utfordringar enn ei vanleg røktarstilling kan gje deg? Kjenner du at det er på tide med meir ansvar, eller har du lang erfaring og ønskjer nye impulsar i kvardagen? Då håpar me du vil søkje hos oss.

Ansvarsområde og arbeidsoppgåver:

• Planlegging og gjennomføring av dagleg drift på lokaliteten
• Oppfølging og rettleiing av tilsette i det daglege arbeidet
• Delta i produksjonsplanlegging
• Sikre etterleving av HMS- og kvalitetskrav på anlegget
• Oppfølging av rutinar, dokumentasjon og rapportering
• Deltaking i helgevaktsordning

Ynskjelege kvalifikasjonar:

• Relevant utdanning og /eller erfaring innan akvakultur
• Erfaring frå drift på lokalitet, gjerne med koordinerande eller leiande oppgåver
• Strukturert, handlekraftig og løysingsorientert
• Gode samarbeidsevner og evne til å skape tillit i teamet

På jobb i Nordsjø Fjordbruk vil du arbeida i eitt av dei leiande oppdrettskonserna i Noreg, i eit fagleg sterkt og spanande miljø der fokuset er å gjera det me er best på – å produsera laks.

Våre dedikerte medarbeidarar er avgjerande for å sikre god drift på lokalitetane våre, og me legg stor vekt på kompetanse, samarbeid og eit godt arbeidsmiljø.

Me tilbyr naudsynt opplæring, kjekke og engasjerte kollegaer, varierte arbeidsdagar og gode moglegheiter for fagleg og personleg utvikling.

Me oppmodar særleg personar med lokal tilknyting om å søkje.