Fiskehelseansvarleg

Tubilah AS er eit selskap som produserer kveite for krevjande kundar både til inn- og utanlands. Selskapet har utvikla ny teknologi for produksjon av kveite i lukka anlegg og er no gjennom første testfasen. Me aukar no produksjonen frå 500 tonn kveite årleg til 1000 tonn og i samband med dette treng me meir arbeidskraft.

Oppdrett av Kveite er ikkje heilt rett fram enno, alle svara finst ikkje enno, kanskje er ikkje alle spørsmåla stilte enno eingong. Dette er eit fantastisk utgangspunkt for dei av oss som syns innovasjon i havrommet er spennande, tenk å få vere med å forme suksesshistorien for Kveite! Me kan m.a. tilby mykje frisk luft, og ikkje to dagar som er like, kjekke folk ( da må du vera og!),løn etter avtale og ordna forhold.

Du; ein som evnar å ha omsorg for fisken vår, har gode haldningar til det å vere i arbeid, syns HMS er ein naturleg del av kvardagen, likar endringar, ligg deg ikkje sjuk i tide og utide, er omgjengeleg og har godt humør.

Om du har lett for å sjå svart på ting er nok ikkje dette staden for deg.

 Det er nesten det same kva formell kompetanse du har, Sjukepleiar eller Ingeniør, Helsefag eller Frisør, det viktigaste er interessa og evna  for å yta omsorg og stell for fisken vår. Sjå elles nedanfor for meir detaljar.