Beskrivelse av arbeidsgiver
Eide Fjordbruk AS er eit oppdrettsselskap med base i Hardangerfjorden, Fensfjorden og Osterfjorden. Me produserer rundt 12.000 tonn laks og regnbogeaure i året, som vert omsett globalt. Bedrifta har vore blant pionerane i næringa og vore med på å forma fiskeoppdrett til den suksessen me ser i dag. Innovasjon og skaparkraft er framleis ei viktig drivkraft i det me held på med, og me jobbar kvar dag for å utvikle næringa me er ein del av.
Beskriving av stillinga:
I Fensfjorden i Lindås kommune skal me frå 2019 ta i bruk tubenøter (snorkelmerdar), dette krev eit ekstra fokus på drift og røkting. Me søkjer derfor ein person som skal arbeide fulltid med å optimalisera vårt førebyggjande arbeid mot lus, med hovudvekt på drift og fiskevelferd.
Viktigaste ansvarsområde og oppgåver:
- Ansvar for førebyggjande tiltak mot lus i Fensfjorden, med fokus på tubenøter og reinsefisk
- Ei viktig rolle i arbeidet med å definera beste praksis for førebyggande arbeid mot lus i Eide Fjordbruk
- Ei viktig rolle i kvalitets og IK-arbeid i regionen, medrekna vidareutvikling av prosedyrar, implementering av nye løysingar og standardar som f.eks. ASC.
- Dagleg drift med generelle arbeidsoppgåver som røkting av fisk og deltaking i operasjonar
Ønska kvalifikasjonar og eigenskapar:
- Utdanning innan akvakultur, havbruk eller biologi tel positivt
- Operativ erfaring frå oppdrett av laks.
- Du oppnår gode resultat, utfører planar med engasjement og uthald
- Du samarbeider godt med andre, kommuniserer og deler kunnskap for å bidra til teamet sitt felles mål.
- Du identifiserer deg med våre verdiar – Framtidsretta, Lidenskapeleg, Uredd, Påliteleg og Kvalitetsbevisst
- Du er innovativ og produserer nye idear og løysningar og er ein forkjempar for endring og nye tilnærmingar.
- Du ser nytten av systematisk arbeid med forbetringar gjennom IK- og kvalitetsarbeid i det daglege
- Du har ei oppriktig interesse for fisk, biologi og praktisk stell av fisk og heldt deg fagleg oppdatert
- I Eide Fjordbruk er HMS vår absolutt fremste prioritet. Det vert stilt høge krav til personleg ansvar, i høve til forhold knytt til eigen og andre sin sikkerheit.
Me tilbyr:
- Fast stilling som «Operatør» i Eide Fjordbruk AS
- Eit svært godt og uformelt arbeidsmiljø som er prega av å ha det gøy på arbeidsplassen.
- Faglege og personlege utfordringar på linje med dei beste innan havbruksnæringa.
- Ein forholdsvis fri og sjølvstendig arbeidsdag i nokre av dei flottaste omgjevnadane i Noreg.
- Konkurransedyktig løn og vilkår. Svært gode forsikrings- og pensjonsordningar.
Arbeidsstad vil vera Fensfjorden i Lindås kommune, ein del reiser i regionen må reknast med.
Stillinga inngår i helgevaktordning og rapporterer til driftsleiar i regionen.
Tiltreding: Snarast. Søknadsfrist: 11. januar 2019 . Fyll ut elektronisk søknadsskjema her og send CV og evt. andre vedlegg på e-post til operator@efb.no (oppgje fullt namn i emnefeltet på e-posten).